لاوێکی سه‌لاسی باوه‌جانی خه‌ڵاتی جیهانی له‌بواری زانست وه‌رگرت


Kurdistan TV



KTV .. بێستوون کاکه‌یی .. به‌پێی هه‌واڵی هه‌واڵنێری ماڵپه‌ری کوردستان تی ڤی له‌سه‌لاسی باوه‌جانی سه‌ربه‌پارێزگای کرماشان ، لاوێکی خه‌ڵکی سه‌لاسی باوه‌جانی توانی خه‌ڵاتی جیهانی ئافراندنی که‌ره‌سه‌ی زانستی ساڵی 2008 له‌وڵاتی مالیزیا به‌ده‌ست بێنێ .

به‌رێز که‌ریم قه‌نبه‌ری لاوێکی خه‌ڵکی سه‌لاسی باوه‌جانیه‌که‌ به‌هۆی جه‌نگی هه‌شت ساڵه‌ی نێوان ئێران و ئێراق و ئاواره‌بوونی نه‌یتوانی له‌قوتابخانه‌ له‌سه‌رخوێندن به‌رده‌وام بێ، به‌ڵام به‌هه‌وڵ و ته‌قه‌لاو ماندووبوون توانی له‌ده‌ره‌وه‌ی قوتابخانه‌کان له‌سه‌رخوێندن و وه‌رگرتنی شه‌هاده‌ به‌رده‌وام بێ .

کاک که‌ریم قه‌نبه‌ری له‌نۆزده‌یه‌مین رکابه‌ری جیهانی بۆ ئافراندن و که‌شفکردن که‌ ئه‌مساڵ له‌وڵاتی مالیزیا به‌ریوه‌چوو و تێیدا 30وڵاتی پیشه‌یی و ناسراوی جیهان به‌شداریانکردبوو، توانی خه‌ڵاتی زێر به‌ناوی خۆیه‌وه‌ تۆماربکا.

ئه‌م رکابه‌رییه‌زانستییه‌له‌ کوالالامپوری مالیزیا به‌رێوه‌چوو. کاک که‌ریم قه‌نبه‌ری بۆ ئه‌م رکابه‌رییه‌ که‌ره‌سه‌یه‌کی کاره‌بایی تایبه‌ت به‌ گواستنه‌وه‌ی وشکایی و ئاسمانی دروستکردوه‌و ئه‌م که‌ره‌سه‌یه‌کاریگه‌ری هه‌یه‌ له‌ که‌مکردنه‌وه‌ی هه‌ره‌شه‌کانی وه‌رگه‌‌ڕانی هێڵه‌کانی گواستنه‌وه‌ به‌تایبه‌ت شه‌مه‌نده‌فه‌رو میترۆ و به‌رگری ده‌کا له‌ وه‌رگه‌رانی شه‌مه‌نده‌فه‌ر له‌ کاتی لێخورینی خێراو گه‌یشتنی به‌سه‌ری پێچ.

ناوبراو به‌دروستکردنی وه‌ها که‌ره‌سه‌یه‌ک توانی خه‌ڵاتی یه‌که‌م له‌و رکابه‌رییه‌ جیهانییه‌ به‌ده‌ست بێنێ و وه‌ک زانایه‌کی جیهانی ناوی خۆی بۆ که‌شفکردن تۆماربکا.

شایانی باسه‌ کاک که‌ریم به‌هۆی پشتگیری نه‌کردن و نه‌بوونی پاره‌ بۆ خۆی نه‌یتوانی سه‌ردانی ولاتی مالیزیا بکا ئه‌گه‌رچی له‌لایان ئه‌و وڵاته‌وه‌ بانگهێشتکرابوو. به‌ڵام به‌ناردنی پرۆژه‌و که‌ره‌سه‌که‌ی توانی خه‌ڵاتی یه‌که‌م به‌ده‌ست بێنێ و ببێته‌مایه‌ی شانازی بۆ هه‌موو کوردستان